سودەکانی خواردنی خورما لە مانگی ڕەمەزاندا
2024-03-13
خورما بە یەکێک لەو خۆراکە تەندروستانە دادەنرێت کە گرنگییەکی زۆری هەیە بۆ ئەو کەسانەی لە مانگی ڕەمەزاندا بەڕۆژوو دەبن.
بەشێوەیەکی گشتی لە مانگی ڕەمەزاندا گرنگییەکی زۆر بە شیرینی و شیرینی دەدرێت، بەڵام ئەگەر دەتەوێت لە کاریگەرییە نەرێنییەکانیان لەسەر تەندروستی خۆت دوور بکەویتەوە، باشتر وایە لە کاتی بەربانگدا خورما هەڵبژێریت.
سوودە تەندروستییەکانی خورما لە مانگی ڕەمەزان:
پزیشکان دووپاتی دەکەنەوە کە خواردنی خورما دەبێتە هۆی خێراکردنی هەرسکردن و هەڵمژینی خۆراک لەماوەی نیو کاتژمێردا، هاوکات یارمەتی هەرسکردنی گەدە دەدات بەشێوەیەکی تەندروست.
خورما لە کاتی بەربانگدا وزە و چالاکی بە جەستە دەبەخشێت، هەروەها ڕێگری دەکات لە قەبزی کۆئەندامی هەرس لە مانگی ڕەمەزاندا، لە کاتێکدا خواردنی حەوت دەنکە خورما یەکسانە بە بەخشینی ئەو وزەیەی یەک پارچە میوە پێتی دەدات.
خورما یارمەتی گەدە دەدات شەکر خێراتر هەرس بکات، لەکاتێکدا خورما بڕێکی زۆر شەکری تێدایە، بەڵام سوودی هەیە و دەستکرد نییە.
خورما لە کاتی بەربانگدا ئاسانکاری دەکات بۆ ئەوەی لەش سوود لە ڤیتامین و کانزاکان وەربگرێت، چونکە خورما بڕێکی زۆر لە سیلینیۆم و پۆتاسیۆم و مەگنیسیۆمی تێدایە، هەروەها بەرەنگاریی شێرپەنجە دەبێتەوە و سیستەمی بەرگری لەش بەهێز دەکات، چونکە دژە ئۆکسێنەرە.
بەهۆی بوونی پۆتاسیۆمەوە لێدانی دڵ خاو دەکاتەوە و پەستانی خوێن دەپارێزێت و ئێسکەکان بەهێز دەکات.
خورما دەوڵەمەندە بە ڤیتامین بەتایبەت ڤیتامین ٦ کە بەرەنگاربوونەوەی هەوکردن و نەخۆشیەکانی دڵ و ڕۆماتیزم و قۆڵۆنە، هەروەها سەرچاوەی ڤیتامین سییە کە خانەکانی لەش و پێست نوێ دەکاتەوە.
ئاساییە نەخۆشانی شەکرە لە مانگی ڕەمەزاندا خورما بخۆن، سەرەڕای بوونی گلوکۆز و ساکارۆز، چونکە سوودی هەیە.
جگە لە بەربانگ خورما دەتوانرێت پارشێوانیش بخورێت و سوودی زۆری هەیە و وزەت پێدەبەخشێت لەکاتی بەڕۆژووبووندا.
